نه گوزل یارادیب یارادان سنی


نه گوزل
یارادیب یارادان سنی

سئویرم هر گوزو قارادان سنی 


بورویوب هر یانی گوزللیک شووقون

دوغوردان ساغ اولسون یارادان سنی 


سن ائله گوزلسن خانچوبان گورسه

امینم چوخ سئور سارادان سنی 


من سئلم،سن سارا ، خانچوبان رقیب

کونول وئر قاچیریم آرادان سنی 


چوخ گوزللر گوروب سئومه‌دیم آمما

گورمه‌میش بگندیم قارادان سنی 


سئودالی کونلومده باش وئریب بوران

سسله‌ییر سانجیلار یارادان سنی 


زامانا ،مکانا سیغماییر هوسنون

من یازیق آختاریم هارادان سنی؟ 


قورخورام کوفر اولا،دئیردیم یوخسا

نه گوزل یارادیب یارادان سنی

Nə gozəl yaradib yaradan sənı

Sevirəm hər gozu qaradan sənı

Buruyub hər yanı gozəllik şovqun

Doğurdan sağ olsun yaradan sənı

Sən elə gozəlsən xançoban gorsə

əminəm çox sevər saradan sənı

mən seləm,sən sara , xançoban rəqib

konul ver qaçirim aradan sənı

çox gozəllər gorub sevmədim amma

gorməmiş bəgəndim qaradan sənı

sevdalı konlumdə baş verib boran

səsləyir sancilar yaradan səni

zamana ,məkana siğmayir husnun

mən yaziq axtarim haradan sənı?

Qorxuram kufr ola,deyərdim yoxsa

Nə gozəl yaradib yaradan sənı.


“sulduzlu”



ارسال یک پاسخ

لطفا دیدگاه خود را وارد کنید!
لطفا نام خود را در اینجا وارد کنید